Իսկ դու գիտե՞ս

Եգիպտոսում քաղաքական անկայունությամբ պայմանավորված` ակտիվացել է հանցավոր խմբավորումների գործունեությունը, որոնք զբաղվում են հնագույն դամբարանների ապօրինի պեղումներով ու թալանով: Մի շարք դեպքերում բարբարոսական պեղումներն արվում են բուլդոզերների օգնությամբ: Որպես օրինակ է բերվում Կահիրեից 150 կմ հարավում գտնվող Էլ Խիբեխում տիրող իրավիճակը: Տարիներ շարունակ այստեղ պեղումներով է զբաղվել Բերքլիի համալսարանի հնագիտական խումբը: Սակայն նախորդ ամիս գիտնականները չեն կարողացել շարունակել աշխատանքները, քանի որ պեղումների գոտին հայտնվել է հանցավոր խմբավորումների «թիրախում»: Նրանք բացել են շիրիմներն ու թալանել դրանք:
«Գողերը փնտրում են թալիսմաններ, թանկարժեք քարեր… Մենք ցնցված ենք կատարվածից», - ասել է հնագետ Քերոլ Ռեդմոնտը:

НАСА SDO արեգակնային աստղադիտարանի լուսանկարներում հայտնաբերված Արեգակի կողքին նկատված «այլմոլորակայինների օդանավը» իրականում արեգակնային «մագնիսական փոթորիկի» թունելի մուտքն է. ամերիկյան տիեզերական աստղադիտարանն առաջին անգամ է մեր լուսատուի մթնոլորտում այդքան մանրակրկտորեն գրանցել այդ հազվադեպ երևույթը:Բոգաչյովը պարզաբանել է, որ այս անգամ սարքի օբյեկտիվում հայտնվել է, այսպես կոչված, պսակի խոռոչը: «Դա հազվադեպ երևույթ է, մոտավորապես այնքան հազվադեպ, որքան Երկրում գնդաձև կայծակը: Կոպիտ ասած` դա մագնիսական մրրիկ է` փոթորիկ, որը ձգվում է Արեգակի մակերեսով և ողջ նյութերը դուրս է նետում: Մենք տեսնում ենք դրա կտրվածքը, այդ «թունելի» մուտքը, և տեսնում ենք սև շրջան»,- ասել է գործակալության զրուցակիցը:

Երիտասարդական նախաձեռնության Վայոց Ձորի ակտիվիստները նախօրեին հայտնել են, որ փլուզվել է Հայաստանի բնության ամենչքնաղ հուշարձաններից մեկը` հանրահայտ Մոզրովի քարանձավը, որը ՀՀ կառավարության որոշմամբ ընդգրկված է Պատմության եւ մշակույթի անշարժ հուշարձանների պետական ցուցակում:Նախկինում անձավագետները բազմիցս ահազանգել են Մոզրովի քարանձավի պահպանման հարցում պետության կողմից անհրաժեշտ ուշադրության բացակայության մասին, սակայն այդ ամենը մնաց անարձագանք:

Լեհ պրոֆեսորի հավաքածուի մաս կազմող կոմպոզիտոր Ֆրեդերիկ Շոպենի նկարը պարզվում է ժամանակին կախված է եղել Օսվենցիմի համակենտրոնացման ճամբարում: Այս մասին նկարի տերն իմացել է այս տարվա հունվարին, համակենտրոնացման ճամբարի ազատագրման 67-ամյակից մի քանի օր առաջ, հայտնում է Reuters-ը:
1943 թվականին Օսվենցիմի բանտարկյալներից մեկի ստեղծագործությունը հանդիսացող Շոպենի նկարը կորած էր համարվում: Լեհ նկարչի աշխատանքների մեծ մասը նացիստները ոչնչացրել էին նահանջից առաջ: Շոպենի նկարը կախված է եղել ճամբարի սենյակներից մեկում, որտեղ փորձեր է արել բանտարկյալների նվագախումբը:

ԱՄՆ-ը հայտնի է իր տարատեսակ մրցույթներով, իսկ նրան չի զիջում Կանադան, որտեղ արդեն 29 տարի շարունակ իրականացվում է սպագետտիից կամուրջների մրցույթը: Այս անգամ Բրիտանական Կոլումբիայի «Օկանագան» քոլեջում կազմակերպված մրցույթում հաղթել է 23-ամյա հունգար Պետեր Շանդորը:Շանդորի կամուրջը դիմացել է 384 կգ քաշին, երկու անգամ ավելի, քան մրցույթին մասնակցող մյուս կամուրջները: Շանդորը, ով ինժեներական գործ է ուսումնասիրում Հունգարիայի Նյիրեդխազի քոլեջում, պատմել է, թե կամրջի վրա 140 ժամ է ծախսել, իսկ մշակելու վրա` մի քանի ամիս:Մրցույթի ռեկորդը` 443,58 կգ, կրկին պատկանում է հունգար ուսանողներին եւ հաղթել է 2009թ.: Կամրջի քաշը եղել է 982 կգ:

Վենետիկում սկսել է հանրահայտ դիմակահանդեսը: Տոնակատարությունները կտևեն մինչև փետրվարի 21-ը:Այս տարի այն ընթանում է «Կյանքը ինչպես թատրոն» կարգախոսի ներքո: Հիմնական բեմահարթակ՝ ըստ ավանդույթի, կծառայի Սուրբ Մարկի հրապարակը: Գիշերը այնտեղ սկսել է ցայտել գինու շատրվանը: Մինչ առավոտ շարունակվել են պարերն ու երթերը:Վենետիկյան դիմակահադեսը նվիրված է Վենետիկյան աղջիկների ազատագրմանը, որոնց ըստ պատմության առևանգել էին ծովահենները:Կարնավալային օրերին Վենետիկ են այցելում մեկ ու կես միլիոնից ավել տուրիստներ, այցելում են նաև շատ արտիստներ աշխարհի տարբեր ծայրերից:

Աշխարհում տարեկան մոտ 1000 թռչուն է սատկում պատուհանին հարվածելու պատճառով:

Էյֆելյան աշտարակը մինչև վերջ ոտքով բարձրանալու համար պետք է հաղթահարել 1792 աստիճան:

Աշխարհում տարեկան մոտ 1000 թռչուն է սատկում պատուհանին հարվածելու պատճառով:

Արեգակնային համակարգի բոլոր մոլորակները կարող են տեղավորվել Յուպիտեր մոլորակի մեջ:

Ով կմտածեր, որ մրջյունները ոչ միայն յուրովի տարբերում են, այլև ունեն սիրած գույներ:Թվում է, թե անհավանական բան է, սակայն, գիտնականներին հաջողվել է որոշել, թե որ գույներին են նախապատվություն տալիս աշխատամոլները: Պարզվել է, որ մրջյունները խենթանում են կանաչ ու դեղին գույների համար:

Անխելի ջրվեժ կամ Անխելի Սալտո – ամենաբարձր ազատ անկումն ունեցող ջրվեժն է աշխարում, նրա բարձրությունն է 978մ. : Գտնվում է Վենեսուելայի տրոպիկական անտառներում, Կանայմա ազգային այգու տարածքում: Ջուրը գահավիժում է Աույանտեպուի գագաթից – թարգ. հայերենով նշանակում է "Սատանայի Լեռ”:Այնքան բարձրից է ջուրը թափվում որ, մինչև գետին հասնելը բաժանվում է շատ մանր կաթիլների և առաջացնում մառախլապատ ամպ:

Այս տարի լրանում է մեծանուն գրող Դերենիկ Դեմիրճյանի 135-ամյակը:

Ավստրալիական ծովային կոկորդիլոսը գրանցվել է Գինեսի գրքում որպես ամենախոշոր կոկորդիլոս,որն ապրում է բնության մեջ երկարությունը 5.47մ է քաշը 907կգ:

Գորիլան կարող է մարդուց վարակվել գրիպ, մրսածություն և այլ հիվանդություններ:

Մրջյուններն այն բացառիկ, կամ գուցե և միակ, կենդանիներն են, որ երբեք չեն քնում:

Բավական է կարիճի գլխին մի քանի կաթիլ սպիրտ կաթեցնել, և նա կկատաղի ու ինքն իրեն մահացու խայթոց կհասցնի:

Վատիկանը միայն 1992 թ.-ին ընդունեց, որ երկրագունդը կլոր է և պտտվում արեգակի շուրջը:

Մեկ րոպեում արևն ավելի շատ էներգիա է արտադրում, որքան Երկիր մոլորակը չի ծախսում մեկ տարում:

Երբևէ արձանագրված ամենակարճ պատերազմը տևել է 38 րոպե, Անգլիայի և Զանզիբարի (Արևելյան Աֆրիկա) միջև: Այն սկսվել է 1897-ի օգօստոսի 27-ին, 9:02 րոպեին, ռմբակոծված Զանզիբարը 9:40-ին հանձնվել է:

Լամպի գյուտարար Թոմաս Էդիսոնը մթից վախենում էր:

Երեխաներն օրվա մեջ ծիծաղում են մոտ 400 անգամ, իսկ մեծահասակներն ընդամենը 15 անգամ:

Հին Եգիպտոսում մարդիկ հարկերը վճարել են մեղրով:

Ամստերդամի համալսարանի գիտնականները պարզել են, որ կոմպոզիտոր Լյուդվիգ Վան Բեթհովենի խլությունը ազդեցություն է ունեցել նրա երաժշտության վրա:Պարզվել է, որ ժամանակի ընթացքում նա դադարել է լսել բարձր նոտաները եւ իր ստեղծագործություններում սկսել է ավելի ցածր նոտաներ օգտագործել: Սակայն երբ Բեթհովենը ամբողջովին խլացել է, նրա երաժշտության մեջ կրկին հայտնվել են բարձր նոտաներ:

Այս տարի Երեւանը կլինի գրքի համաշխարհային մայրաքաղաք: Սա զուգադիպել է Հայ տպագրության 500- ամյակին: Գրքի մայրաքաղաքի միջոցառումները մեկնարկելու են 2012-ի մայիսի 23-ին՝ գրքի ու հեղինակային իրավունքի միջազգային օրը: Այդ օրը Բուենոս Այրեսից այդ տիտղոսը կփոխանցվի Հայաստանին ու մինչեւ 2013 թվականը Երեւանը կլինի գրքի համաշխարհային մայրաքաղաք։

Իսկ դուք գիտեք, որ շոկոլադը նպաստում է տրամադրության բարձրացմանը:Այն իր մեջ պարունակում է <<երջանկության>> հորմոն,որը ընկնելով արյան մեջ ազդում է նյարդային համակարգի վրա և անմիջապես բարձրացնում մարդու տրամադրությունը:

Աշխարհում կա գրել-կարդալ չիմացող 776 միլիոն չափահաս, որոնց երկու երրորդը կանայք են: Կանայք կատարում են աշխարհի աշխատանքի մոտ երկու երրորդը և արտադրում են աշխարհի սննդի կեսը, սակայն վաստակում են աշխարհի եկամտի ընդամենը 10 տոկոսը և տիրապետում են աշխարհի գույքի ընդամենը 1 տոկոսին:

Եթե ներկա միտումները շարունակվեն, մարդկությունը 2050 թ.-ին կլինի 9 միլիարդից քիչ ավելի, իսկ դարավերջին կհատի 10 միլիարդի սահմանը: 1950 թ.-ից ի վեր կյանքի միջին տևողությունն աշխարհում ավելացել է 20 տարով 48-ից 69:

Միայնակությունը խելքի համար նույնն է, ինչ քաղցած սննդակարգը` մարմնի։ Երբեմն այն անհրաժեշտ է, բայց չպետք է լինի չափազանց երկարատև։

Մարդու սիրտը ստեղծում է այնպիսի ճնշում, որը ընդունակ է արյունը ցփնել 10 մետր հեռավորության վրա:

Փղերը միակ կենդանիներն են, որոնք ցատկել չեն կարող:

Մարմնի ամենաուժեղ մկանը լեզվի մկանն է:

Աջլիկները, միջինում, ապրում են 9 տարի ավել, քան ձախլիկները:

Բոլոր սպիտակ արջերը ձախլիկ են:

Պյութագորասի թեորեմը. Սկզբնական տեսքով Պյութագորասի թեորեմը պնդում էր , որ ուղղանկյուն եռանկյան ներգնաձիգի վրա կառուցված քառակուսու մակերեսը հավասար է էջերի վրա կառուցված քառակուսիների մակերեսների գումարին: Սովորաբար, Պյութագորասի թեորեմը ձևակերպվում է այսպես. Եթե ուղղանկյուն եռանկյան կողմերը չափված են միևնույն մասշտաբով, ապա ներքնաձիգի երկարությունը արտահայտող թվի քառակուսին հավասար է էջերի երկարությունները արտահայտող թվերի քառակուսիների գումարին (կարճ՝ ուղղանկյուն եռանկյան ներքնաձիգի քառակուսին հավասար է էջերի քառակուսիների գումարին):

Ամենաերկար նախադասությունը Վիկտոր Հյուգոյի «Թշվառներ» վեպում է: Այն կազմված է 823 բառից, որոնք միմյանցից բաժանված են 93 ստորակետով, 57 կետ-գծով և 4 գծիկով:

Մարդու մարմնի ամենասառը մասը քիթն է: Քթի ծայրի ջերմությունը սովորաբար չի անցնում Ցելսիուսի 22 աստիճանից:

<<Երեխաների իրավունքներ>> ինտերակտիվ հարթակ